Trajtimi i flokut në stinën e verës

Sa herë që vjen sezoni i verës, është mirë që të përdoren produkte, të cilat e mbrojnë flokët nga nxehtësia, faktori i pishinës dhe kripa.

Duhen përdorur shampo që janë me përbërës pastrues nga këto mbetje si klori, kripa dhe salcedina, por në të njëjtën kohë ndihmojnë në hidratimin e flokut.

Produkte të tjera që duhen përdorur për të mbrojtur flokun këtë verë janë kremrat rigjenerues dhe hidratues, si dhe vajrat me filtër UV mbrojtës. Këto të fundit mbrojnë sipërfaqen e flokut nga faktorët agresivë të stinës së verës.

Relativisht, uji edhe dielli i bëjnë shumë mirë flokut, por kjo nuk do të thotë që ne të abuzojmë dhe mos të mbrohemi. Një flok i trajtuar dhe i mbajtur mirë gjatë plazhit, është shumë herë më i shëndetshëm sesa një flok i patrajtuar, që s'ka qenë në
plazh.

Teoria "vë kapele për të mbrojtur flokët", nuk është aq e suksesshme sesa një ndenje në hije dhe vendosja e trajtuesve në flokë.

Mbajtja e kapelës për një kohë të gjatë në diell stimulon djersitjen dhe si pasojë mos ajrosjen e lëkurës së kokës. Si rrjedhim, kjo shkakton problem për flokët.