Çfarë shkakton dielli në lëkurë?

(...vijon nga numri i kaluar)

Shkencat moderne informojnë se shumë efekte të padëshirueshme shfaqen nga qëndrimi në diell, si plakja dhe kanceri i lëkurës. 80% e plakjes së lëkurës shkaktohet nga ekspozimi në diell. Ekspozimi i vazhdueshëm në diell shkakton plakje të parakohshme.

Ky ekspozim karakterizohet nga rrudhat, njollat, tharja e lëkurës dhe humbja e tonusit të lëkurës. Lëkura humbet kolagenin, elastinën, dëmtohen enët e gjakut (duke u plasaritur në sipërfaqe, rremat e gjakut), shfaqen rrudhat, njollat kafe, nishane, alergjitë nga dielli.

Në qoftë se digjeni nga qëndrimi në diell, ndiqni këto këshilla:
- qëndro në vend të freskët
- bëj banjë me ujë në temperaturë 36 gradë, jo shumë të ftohtë
- pi ujë në sasi të madhe
- mbaj veshje të holla, jo të shtrënguara
- apliko xhel "aloe", ose zbutës (after sun), pas qëndrimit në diell, që qetësojnë dhe zbusin lëkurën.
- përdorni antipiretike, n.q.s. djegia shoqërohet me temperaturë të lartë.

Dermatiti solar

Është një lloj alergjie nga dielli, që prek kryesisht njerëzit me lëkurë të bardhë dhe të ndjeshme. Ajo shfaqet me skuqje, puçrra të vogla të kuqe në zonën e lëkurës, që është ekspozuar në diell. Shfaqet disa minuta ose orë pas ekspozimit në diell dhe shoqërohet me kruajtje të shumta.

Për më tepër lexoni në revistën print