3V Soni Malaj

E ngarkuar me koncerte, punimet për albumin e saj të ri, palestrën dhe kanton, të cila nuk i braktis asnjëherë për të qënë përherë në formën e duhur, Soni Malaj gjen kohën për të ndrë me në mendimet e saj lidhur me veshjet dhe së fundi jep këshillën e saj për ato vajza që duan të ndihen tërheqëse...

Një veshje për ju është e kombinuar mirë, nëse ka...?

Ngjyrat në harmoni me njëra tjetrën, po ashtu dhe copen.

Gjatë karrierës suaj, kujt ia keni besuar veshjen?

Stilisteve dhe vetes sime.

Kur e shikoni vetën në televizor, në ndonjë spektakël të disa viteve më parë, çfarë mendoni?

E shikoj me sy kritik për të gjetur ndonjë difekt dhe për të mos e përsëritur më.

Preferoni të bëni ndryshime totale në look?

Jo, preferoi ndryshime që pamja ime të jetë sa më e pëlqyeshme duke ruajtur profilin tim

Jeni natyrë që tundoheni kollaj kur doni të blini diçka dhe e blini menjëherë, apo mendoheni shumë përpara se të vendosni?

Nqs diçka më pëlqen e blej menjëherë, por pa kaluar cakun e mundësive të mija financiare.

Jeni penduar ndonjëherë për diçka që keni blerë?

Po ka ndodhur, përgjithësisht për veshje.