Penelope Cruz Në shtrat me çmimin Oskar

Njëlloj si fëmijët e vegjël që kur blejnë diçka të re e mbajnë në shtrat për të fjetur, ashtu
edhe bukuroshja e talentuar e kinemasë botërore Penelope Cruz, ka rrëfyer se natën
e parë pasi mori çmimin Oscar, statujën e artë e ka marrë në shtrat gjithë natën dhe
ka fjetur bashkë me të.

Një bukuri delikate që në të njëjtën kohë shfaqet me një ngrohtësi të ethshme dhe të sofistikuar; një temperament pasional i cili nëpërmjet interpretimeve të shumta ka lejuar që ta bëjë të dukshme qenien e saj në thellësi. Kjo është Penelope Cruz, një grua me një sharmë dhe një talent që të çarmatos.

Askush nuk mundi të vazhdojë gjatë me kritikat ndaj aktores spanjolle e cila gati 15 vite më parë tentoi suksesin botëror, pas triumfit në filma legjendarë të maestrove të kinemasë elitare Bigas Luna apo Pedro Almodovar.