Bubulina Krasniqi

Jam e dashuruar pas garderobës time... Është akoma në hapat e parë. Por koleksioni i veshjeve duket sikur të jetë ngritur prej vitesh.

Është e dashuruar pas veshjeve dhe jo më kot. Për të veshja nuk është vetëm shprehje personaliteti. Veshjet e Bubulina Krasniqit janë një album plot shije, ngjyra, vlera dhe stile.

Veshja për ju është?

Veshja për mendimin tim paraqet njëfarë pasqyrimi të jashtëm, por edhe material në të njëjtën kohë të personalitetit, finesës dhe shijeve të njeriut.

Një veshje për ju duhet të ketë me patjetër...

Duhet patjetër që të ndihesh rehat në të, kjo besoj që është gjëja më e rëndësishme... Pastaj që të jetë një veshje e mirë dhe me stil i duhet të jetë e kombinuar me kreativitet që të duket bukur.