Njeriu i vijave të bardha, blu dhe të kuqe

Tommy Hilfiger

Tri ngjyra ka zgjedhur Tommy Hilfiger për të pushtuar botën.
Kur s'kishte asgjë në xhepa, ai kishte më shumë, sepse ishte plot me ide brilante. I mjaftuan vetëm njëzet palë xhinse për të filluar një biznes, që sot e rendit mes stilistëve më të pasur në Amerikë dhe një nga personalitetet e markave më të njohura të globit.

Ka lindur më 24 mars të 1951-shit, në Elmira, një qytet i vogël në shtetin e Nju Jorkut. Tommy është fëmija i dytë nga nëntë vëllezërit Hilfiger të një familje katolike irlandeze. Në 1961-shin, ndërsa ndiqte në qytetin e lindjes "Free Academy", mori guximin që, me një kapital prej 150 dollarësh, të nisë karrierën e tij të shitjes së xhinseve me pakicë.