Një amerikan ndryshe

Kush tha që amerikanët janë pa shije në të veshur? Ralph Lauren e hedh poshtë këtë gjë dhe, nga majat e suksesit në fushën e modës, ai vërteton të kundërtën. Realisht, ai nuk e pëlqen modën, sepse, sipas tij, ajo është diçka kalimtare dhe te njerëzit adhuron stilin, sepse vetëm ai është i përjetshëm.

Nëse ju janë ndalur sytë te një veshje, që ka si logo një kalorës mbi kalë, mësojeni se po shikoni një krijim të stilsitit amerikan me origjinë hebre, Ralph Lauren. Për këtë logo të famshme stilisti frymëzimin e ka marrë te bashkëshortja e tij, që ka qenë dhe mbetet muza e tij.

I shtrirë me perandorinë e tij të stilit që nga veshjet, aksesorët e deri te restorantet, të cilin e përuroi në vitin 1999 në Chicago, Ralp Lauren nuk është ndalur edhe në fusha të tjera, si përkrahja që i bëri shoqatës Save America's Treasures, e cila mbështet laboratorin që restauron flamurin origjinal amerikan. Në vitin 1998 stilisti i dhuroi kësaj shoqate 13 milionë dollarë.

I vlerësuar në vitin 1996 nga CFDA, me titullin Menswear Designer of the year (stilsiti më i mirë i vitit), Ralph Lauren po mbërrin në dekadën e tij të pestë të karrierës, duke qenë përherë i fokusuar në të ardhmen. Nëse faqja e njohjeve në internet, facebook.com, ju duket vetëm për të rinjtë, gaboheni, pasi stilistin 73-vjeçar do ta gjeni atje.