Futboll, femra, luks: Ronaldo, si Besti!

Ngjashmëritë me irlandezin e Mançesterit, pas 40 vjetësh, janë të shumta. Portugezi është gjithnjë protagonist

Pas Xhorxh Bestit, Kristiano Ronaldo. Thuajse 40 vjet largësi, njëri pas tjetrit, portugezi është "trashëgimtari" i irlandezit mes "Topave të Artë" të Mançester Junajted. Por ajo që i bashkon dy kampionët nuk është vetëm fanella e njëjtë, me të cilën morën këtë vlerësim prestigjioz. Të dyve, në të vërtetë, u ka pëlqyer gjithnjë (në rastin e Kristianos vazhdon t'i pëlqejë) jeta e bukur dhe teprimet. "Në jetën time kam harxhuar shumë parà kot; pjesën tjetër e kam shpenzuar për alkool dhe femra." Kështu shprehej Best, mbi ekzistencën e tij, ndonëse ka ndërruar jetë në nëntor të 2005-s. Dhe meqë jemi te seksi femëror, nuk mund të thuhet se fituesi i fundit i "Topit të Artë" është më pak nga paraardhësi i tij. Nëse do të shkruanim një listë, ajo është e gjatë: Mirela Grisales, Niki Ghazian, Nereida Galardo, Leticia Filipi, Bipasha Basu, Mershe Romero, Imogjen Tomas, Daniele Lloid, Xhema Atkinson, Lusiana Abreu, Nuria Bermudez, Xhordana Zhardel, Mia Judaken, Karolina Patrosinio e Fernanda.